Sunday, August 26, 2012

அவள் நிழல்




இராவாகிவிட்டது 
நாழிகையோ உருண்டோடுகிறது 
சிரிப்பொலி எழுப்பி 
என் உறக்கத்தை கலைத்து ஓடி ஒளிகிறது 
அவள் நிழல் 
நீண்ட இரவில் 
அவள் நிழலைப் பின்தொடர்ந்து  நான் 
விடிந்து விட்டது 
இன்னும் செவியை துளைத்து ஊருடுவுகிறது 
அவளின் கள்ளச் சிரிப்பொலி 

உயிர்த் துளிகள்




சுட்டேரிகிறான் பகலவன் 
உயிர் வறண்ட போதிலும் 
என்னில் பச்சைப் பசப்புடன் 
உன் நினைவுகள் 




உன்னை 
பிரியும்  மறுநொடியில் 
அகத்தில் முளை விடுகிறது 
நம் மறு சந்திப்பிற்கான ஏக்கம்





நம் 
இதயக் கிடங்கில் 
மாதங்கள் பழகிய ஆசைகள் 
புளித்து பதைத்த அத்துளிகளில் 
சமைத்து வைத்திருக்கிறோம் 
 நமக்கான போதையை 



 

நினைவின் ஈரம்





ஒரு 
நொடிப்பொழுது ஆயுள் என்றாலும் 
நெஞ்சத்தின் அடி நாதம்வரை 
ஈரப் படுத்தி விடுகிறது அவளின் 
ஒருதுளிப் பிம்பம் 

Monday, August 20, 2012

நனையும் ஜீவன்







நான் 
கரை 
அலைகள் 
நீ 

உன் 
தொடுதலில் 
கசியும் ஈரத்தில் 
நனைகிறது 
ஜீவன் 

Thursday, August 16, 2012

அவள் மழை




மழை 
நீ 
வறண்ட நிலம் 
நான் 

நீர் 
முத்தங்கள் கொட்டஈ 
நனைத்துவிடு 
நிலத்தை  இல்லை ...இல்லை ..
உயிரை 

காதல் ராட்சஷி




மட்டிகடித்து 
இதழ் சுளித்து 
விழி வழி வழிய விடுகிறாள் 
காதல் ரசத்தை 

மதிமயங்கி 
விழுகிறேன் நான் 
ஒரு கள்ளச் சிரிப்பால் 
இதயம் கீறி 
உயிரை உருவிகிறாள் 
காதல் ராட்சஷி

Tuesday, August 14, 2012

வேண்டாம் சுதந்திரம்






நம் 
காதல் தேசத்தில் 
அரசி நீ 
உன் அடிமை 
நான் 

உன் 
அன்புச்  சிறையில்  அடைபட்டு 
உன்னடிமையாய் 
வாழவே துடிக்கிறது 
என் உயிர் 

வேண்டாம் ...
உன்னிலிருந்து 
இலை.... இல்லை..... 
உன் காதலில் இருந்து 
சுதந்திரம் 

Monday, August 13, 2012

காதல் இறுக்கம்




அன்பின் 
ஈரத்தில் நீத்துப் போகிறது 
நம் கோபங்கள் 

நான் ...நான்... யென
ஒன்றோடு ஒன்றாய் 
முட்டி மோதிக் கொள்கிறது
நம் மன்னிப்புக்கள்

பிணக்கம்
பின்
இணக்கம்
இதுதான் நம் காதலின்
இருக்காமோ

Sunday, August 12, 2012

விழிக்குள் நீ



உறங்க 
விழி மூடுகிறேன் 
விழிக்குள் வெளிச்சமாய் 
உன் பின்பம் 

இனி 
உறக்கம் ..........?

Wednesday, August 8, 2012

அவன் துக்கம் அவள் கண்ணீர்




என் 
துக்கம்
மென் சொல் தென்றலால் 
வருடுவாயென நான் 
விழிநீர் ஒழிக்கி 
கழுவினாய் நீ 

உன் 
கண்ணீர் ஈரத்தில் 
துக்கம் நீத்துக் கொண்டிருக்க 
நீ உதிர்த்த ஒவ்வொரு துளியிலும் 
என்னுள் பிறந்ததடி 
நம்பிக்கை 

உன் 
கண்ணீர் 
எனக்கவா உனக்காகவா என்றேன் 
நமக்கா என்றாய் 
நீ 

 நம் 
அன்பின் பாதை 
விசலாமாய் விரிவதை 
உணர்த்தியது அச்சொல் 

Friday, August 3, 2012

நான் மீன்





நீ 
கடல்
நான் 
மல்ஷியம் 

நீர் 
இருக்கும் வரை 
மீன் 

நீ 
இருக்கும் வரை 
நான் 



Thursday, August 2, 2012