Wednesday, October 24, 2012

சுருங்கும் வானம்




என்னகவானில் மின்னும் 
ஆசை விண்மீன்களை 
ஒவ்வொன்றாய் பிரித்து 
அகர வரிசைப் படுத்துகிறாய் 
உன்னைச் சுடும் 
சில விண்மீன்களை
மௌனத்தால் எட்டி உதைத்து சிதைக்கும் நீ
மறந்து போகிறாய்
விண்மீன்கள் மரணிக்கும் மறுநொடியில்
உனக்காக விரிந்த வானம் சுருங்குவதை

Saturday, September 29, 2012

முத்தம் வாங்கிய நிலா



ஏன்
இன்னும் அவள் அழைக்கவில்லை
நேற்றிரவு மொட்டைமாடியில் 
நிலாவிடம் கேட்டேன் நான் 

 இதோ 
பார்த்து விட்டு வருகிறேன் என்று 
சொல்லிச் செற்றது  நிலவு 
காத்திருந்தேன் நான் 

அங்கு 
ஒரே பவர் கட்டாம் 
கைபேசியில் சார்ச் இல்லை என்று 
புலம்பிக் கொண்டிருக்கிறாள் அவள் 

இதைக் கேட்கவா 
இவ்வளவு நேரம் என்றேன் 
மொட்டைமாடியின் 
மறு முனைக்கு வந்த நிலவிடம் நான் 

முத்தம் தந்தாள் 
உனிடம் கொடுக்கச் சொல்லி 
அவள் 
கொடுத்ததை கொடு என்றான் நான் 
வெட்கப்பட்டு மேகத்தின் பின் ஒளிந்துகொண்டுடது 
அவளிடம் என்  முத்தம் வாங்கிய  நிலா 

Saturday, September 22, 2012

ஐ லவ் யு



நித்தமும் 
பேசிக்கொள்கிறோம் நாம் 
அலைபேசியில் 
என் 
உன் 
இதழ்கள் பிரசவிக்கும் 
முதல் சொல் 
ஐ லவ் யு 
நீண்ட இடைவெளிக்குப் பின் 
நம் இதழ்களில் 
துடி துடித்து இறக்கும் 
இறுதிச் சொல் 
ஐ லவ் யு 

அவள் ஒரு புதிர்





உன்னிடம் 
ஒரு முறை சொன்னதை 
ஒருமுறை கேட்டதை
 மறுமுறை  
சொன்னால் 
கேட்டால் கோபப்படுகிறாய் நீ 
நான் 
உன்னிடம் 
பலமுறை சொல்கிறேன் 
ஐ லவ் யு  
பலமுறை கேட்கிறேன் 
முத்தம் 
ஆனால் 
சொல்லவும் கொடுக்கவும்
 சலிப்பதில்லை நீ 

Monday, September 17, 2012

குட்டி தேவதை





 அந்த 
குட்டிப் பெண்ணை 
எனக்காக பெண் கேள் என்றேன்  நான் 
அவளுக்கு மணமாகி விட்டது என்கிறாய் நீ 
பரவா இல்லை 
இரண்டாவதாக கட்டிக்  கொள்கிறேன் நான் 
என்னைவிட அவ்வளவு அழகா அவள் 
கோபத்தில் சீறுகிறாய் நீ 
நீயே சொல் 
அவள்தானே அழகு 
மௌனமும் கோபமுமாய் சில நேரம் நீளும் 
இந்த செல்லச் சண்டைகளுகாவே 
நான் கேட்டாலும் எடுத்து காட்ட மறுக்கிறாய் 
உன் பால்ய புகைப் படத்தை